Nalgunhas ocasións déronse situacións nas que as redeiras dun porto determinado non puideron realizar un traballo, por ser poucas e non poder facer fronte a unha carga de traballo moi grande. Por iso, a través da federación de Redeiras, suxeriuse a posibilidade de elaborar un banco de artes de traballo, co fin de coñecer as posibilidades de traballo das redeiras de cada porto.

A continuación detállanse o número de redeiras que traballan cada arte en cada localidade. Ademais tamén se expoñen o número de redeiras en cada porto que poderían facer fronte a novos encargos, en artes distintas das que habitualmente traballan, contribuíndo así ó equilibrio entre á oferta de traballadoras en situación dispoñible, e a demanda de reparación e confección dos diferentes armadores.